Það er margt sem þarf að hafa í huga þegar valinn er hvolpur. Einstaklingarnir eru eins misjafnir og þeir eru margir og foreldrarnir einnig. Langflestir eru að leita sér að heimilishundi en sumir vilja eiga möguleika á því að nota hundinn í vinnu. Það er þó mikilvægt að minna á að hver hvolpur er óskrifað blað og aldrei hægt að áætla með fullri vissu um velgengni í framtíðinni. Ættbókarskráning er ekki trygging fyrir heilbrigði heldur einungis upprunavottorð. Það er á ábyrgð hvolpakaupenda að kynna sér málið vel áður en hvolpur er valinn. Hér á eftir er listi yfir ýmis atriði sem hægt er að hafa í huga þegar got eða hvolpur er valinn:


·         Mjaðma- og olnboganiðurstöður foreldra, forfeðra, annarra systkina

·         Árangur foreldra á sýningum

·         Árangur foreldra í vinnu

·         Skapgerðarmat foreldra

·         Skapgerð foreldra

·         Sjúkdómar eða gallar sem vitað er um hjá foreldrum, forfeðrum eða systkinum

·         Skyldleiki foreldra